Ұлттық ұланның әскери қызметкерлері ұлттық құрама құрамында Жапонияның Айчи және Нагоя қалаларында өтіп жатқан XX Жазғы Азия ойындарында ойдағыдай өнер көрсетуде. Әскери бөлімдердің өкілдері түрлі спорттық пәндер бойынша бірнеше медаль жеңіп алды, деп хабарлайды turkystan.kz.
Ұлттық ұлан спорт командасын даярлау орталығының аға нұсқаушысы ефрейтор Милад Карими 2026 жылы гимнастикадағы еркін жаттығулардан Азия ойындарында күміс алды.
Құраш күрестен жарыста 5571 әскери бөлімінің әскери қызметшісі қатардағы жауынгер Ахметғали Әділет Азия ойындарының қола жүлдегері атанды.
Ауыр атлетикадан 6697 әскери бөлімінің әскери қызметшісі қатардағы Алексей Чуркин бақ сынап, күміс медаль иеленді. Финалда 85 келіге дейінгі салмақ дәрежесінде қазақстандық спортшы қоссайыста 378 келілік нәтиже көрсетті. Серпілісте ол 173 килограмм, ал сілкіністе 205 килограмм көтерді.
6636 әскери бөлімінің аға маманы ефрейтор Арина Малиновская Қазақстанның қоржынына тағы бір қола жүлдені әкелді. Ол ұлттық құраманың құрамында үш позициялы жаттығуда 50 метр қашықтықта мылтық атуда өнер көрсетті.
Жеке іріктеу кезеңінде Малиновская 587 ұпай жинап, финалға шыққан үздік сегіз спортшының қатарына кірді. Командалық жарыстарда ол Элизабет Безрукова және София Шульженкомен бірге 1754-89x нәтиже көрсетіп, Азия ойындарының қола медалін жеңіп алды.
Ефрейтор Дмитрий Холмогоров, 6636 әскери бөлімінің аға нұсқаушысы, 500 метр қашықтықта жалғыз байдаркада қола жүлдегер атанып, үшінші орын алды.
Ефрейтор Руфина Искакова да қола медальға қол жеткізді. Қазақстандық команда құрамында ол 500 метр қашықтықта аралас екілік-каноэ жарыстарының финалында өнер көрсетті.
Осылайша, Ұлттық ұланның әскери қызметшілері Қазақстан құрамасының бас континенттік спорттық додада табысты өнер көрсетуіне өз үлестерін қосуда. Олардың нәтижелері спорттық дайындықтың жоғары деңгейін және елімізді халықаралық аренада лайықты түрде танытуға деген ұмтылысын көрсетті.
