20 қыркүйекте Жамбыл облысы Меркі ауданы Қостоған ауылында қайғылы оқиға болған, деп хабарлайды turkystan.kz.
TANK 500 автокөлігінің жүргізушісі қарсы бағытқа шығып ВАЗ-2107 көлігімен соқтығысқан.
«Салдарынан "ВАЗ" жүргізушісі мен жол талғамайтын көліктің 3 жолаушысы қаза тапты, жүргізуші аудандық ауруханаға жатқызылды», - дейді полиция.
Әлеуметтік желіде оқиғаға кінәлі көлік жүргізушісі арнайы жасақ отрядының инспекторы, жекпе-жек спортшысы Сая Әуелбекова екені айтылған.
Алайда облыстық полиция департаменті жүргізушінің орган қызметкері екендігін жоққа шығарды.
