Астанада үйдің қасбеті опырылып, фельдшер Ұлдана Мырзуанның қаза болуына қатысты іс аяқталуға жақын. Бүгін прокурор сотталушыны кінәлі деп танып, оған 2 жыл бас бостандығын шектеу жазасын тағайындауды, сондай-ақ үш жыл бойы ОСИ басқаруына тыйым салуды сұрады, деп хабарлайды turkystan.kz.
Айыптау нұсқасына сәйкес, Жубаниязова ғимараттың қасбетін тексермеген және қауіпті учаскелерді анықтамаған. Прокурор сонымен қатар Ұлдананың өліміне кондиционердің құлауы емес, ғимарат қаптамасының бөлшектері соққы болуы себеп болғанын мәлімдеді.
Қаза тапқан қыздың анасы Салима Омарова моральдық өтемақы талап етуінен бас тартты.
«Ақша менің Ұлданамды қайтарып бермейді. Ешқандай өтемақы оның күлкісін, дауысын және құшағын қайтара алмайды. Мен қызымның өмірін ақшамен бағаламаймын. Мен тек шындық пен әділдікті сұраймын. Егер Жубаниязованың кінәсі дәлелденсе, оған бас бостандығынан айыруға байланысты емес жаза тағайындауды сұраймын, өйткені ол екі баланы жалғыз тәрбиелеп отыр», – деді ол.
