Абай облысы бойынша Қылмыстық-атқару жүйесі департаментінің №19 мекемесінде ерекше неке қию рәсімі өтті, деп хабарлайды turkystan.kz.
Жазасын өтеп жатқан азамат алты жыл бойы өзін күткен сүйіктісімен заңды некеге тұрды. Қос ғашық алты жыл бойы байланысын үзбей, қарым-қатынастарын сақтап келген.
Неке қию рәсімі мекеме аумағында өтті. Азамат бостандыққа шығуына бір ай қалғанда өміріндегі маңызды қадамға барып, сүйіктісімен шаңырақ көтерді.
«6 жылдық күтудің, сағыныш пен сенімнің нәтижесі — бүгінгі қуанышты күн. Ал алда оларды бірге бастайтын жаңа өмір күтіп тұр», – делінген жазбада.
