Үкімет отырысы барысында Премьер-министр Олжас Бектенов Ғылым және Еңбек министрліктеріне жыл соңына дейін жетекші компаниялармен бірге мемлекет пен жеке серіктестік негізінде кәсіптерді трансформациялаудың ұлттық орталығын толыққанды іске қосуды тапсырды, деп хабарлайды turkystan.kz.
Сондай-ақ колледждердің тартымдылығын арттыру міндеті қойылды.
«Оқу бағдарламаларын еңбек нарығы мен халықтың сұранысына сәйкес үнемі жаңғыртып отыру керек.
Қажетті микро-біліктіліктерді алу мақсатында қысқа мерзімді модульдік бағдарламалар ашқан жөн.
Колледж кәсіби білім мен дағдыларды меңгеру үшін саналы түрде таңдайтын білім ошағына айналуы тиіс», — деп атап өтті Олжас Бектенов.
