Үкімет қайта жасақталды

Құрылтай сайлауынан кейін Министрлер кабинеті қайта жасақталды. Экономикалық және күштік блоктың басшылары қызметінде қалды. Сонымен қатар сыртқы саясат, экология, төтенше жағдай, мәдениет салаларына жаңа кадрлар келді. Бұл жолғы өзгерістен жаппай ауыс-түйістен гөрі сабақтастықты сақтай отырып, жекелеген бағыттарды күшейтуге мән берілгенін байқауға болады.

Үкіметті бұрынғыдай Олжас Бектенов басқарады. Ал Нұрлыбек Нә­лібаев Премьер-Министрдің бі­рін­ші орынбасары болып тағайын­дал­ды. Ғалымжан Қойшыбаев Пре­мьер-Министрдің орынбасары – Үкімет Аппаратының басшысы қыз­­­ме­тіне кірісті. Серік Жұманғарин Премьер-Ми­нистрдің орынбасары – Ұлттық эко­номика министрі қызметінде қал­са, Қанат Бозымбаев та Үкімет бас­шысының орынбасары ретіндегі жұмысын жалғастырады.
Жаслан Мәдиевтің Премьер-Ми­нистрдің орынбасары – Жасанды ин­теллект және цифрлық даму ми­нистрі болып тағайындалуы жаңа құрам­дағы маңызды шешімдердің бірі саналады. Министр лауа­зы­мы­ның Үкімет басшысының орын­ба­сары қызметімен қатар берілуі цифр­­ландыру мен жасанды интел­лек­тінің енді жекелеген саланың ғана емес, бүкіл экономиканы жаң­ғыр­­тудың негізгі тетігі ретінде қа­рас­­тырылып отырғанын аңғартады. 
Елеулі ауыс-түйіс сыртқы саясат са­ласында болды. Бұған дейін де Сыртқы істер министрлігін бас­қар­ған Мұхтар Тілеуберді осы қызметке қай­та келді. Бұл шешім халықаралық қа­тынастар күрделенген кезеңде дип­­ломатиялық тәжірибеге басым­дық берілгенін көрсетеді. 
Бірқатар әлеуметтік және қоғам­дық маңызы бар салаларға да жаңа бас­шылар келді. Мұрат Мұханов Тө­тенше жағдайлар министрі, Әлі­бек Қуантыров Экология және та­би­ғи ресурстар министрі болып та­ғайын­далды. Ал Мәдениет және ақ­­­­­­парат министрлігін Арман Қырық­баев басқаратын болды.
Дәурен Қосанов – Қорғаныс ми­нистрі, Ержан Сәденов – Ішкі істер министрі, Мәди Такиев – Қаржы ми­нистрі, Ерлан Ақкенженов те Энер­гетика министрі қызметінде қалды. Нұрлан Сауранбаев көлік са­ла­сын, Ерлан Сәрсембаев әділет са­ласын, Жұлдыз Сүлейменова оқу-ағарту саласын басқаруды жалғас­тыра­ды. Ақмарал Әлназарова – Ден­саулық сақтау министрі, Саясат Нұр­бек – Ғылым және жоғары білім ми­нистрі, Айдарбек Сапаров Ауыл шаруашылығы, Асқарбек Ер­таев Еңбек және халықты әлеу­мет­тік қор­ғау министрі болып қай­та та­ғайын­далды. 
Жаңа құрамға қарап, Үкіметтің эко­номикалық бағыты күрт өзгер­мей­ді деген қорытынды жасауға бо­ла­ды. Қаржы, ұлттық экономика, энер­гетика, ауыл шаруашылығы жә­не көлік салаларындағы басшы­лар­дың орнында қалуы бұрын бас­тал­ған бағдарламалардың жалғаса­ты­нын меңзейді. Ал экология, еңбек, төтенше жағдай және мәдениет пен ақ­парат салаларындағы жаңа та­ғайын­даулар осы бағыттарда тың серпін қажет екенін байқатады.
Үкіметтің алдында эконо­ми­ка­лық өсімді нақты нәтижеге айнал­дыру, инфляцияны тежеу, инфра­құры­лымды жаңарту, әлеуметтік мә­се­лелерді шешу міндеттері тұр.