«Қозы Көрпеш – Баян Сұлу» коллекциялық монеталары айналымға шығады, деп хабарлайды turkystan.kz.
Ұлттық банк «Мифтер, аңыздар, әзіл әлемі» сериясы аясында шығарған монеталар мельхиор (МН 25) қорытпасынан жасалған.
Монетаның номиналы – 200 теңге, массасы – 15 грамм, диаметрі – 33 миллиметр. Дайындау сапасы – brilliant uncirculated. Таралымы – 7 мың дана.
Коллекциялық монеталарды 2 қыркүйектен бастап Қазақстан Ұлттық банкінің интернет-дүкенінен сатып алуға болады.
