Түркістан облысы Леңгір қаласында бетперде киген белгісіз біреулер әйелді байлап, өз үйінде бірнеше сағат бойы соққыға жыққан, деп хабарлайды turkystan.kz.
Желіде жарияланған ақпаратқа сәйкес, жәбірленушіні шабуыл жасағандар таңғы сағат 5-ке дейін ұстап отырған. Кейін олар оқиға орнынан бой тасалаған. Үйдің терезелері сынған, заттар шашылып, үйдің астаң-кестеңі шыққан. Алдын ала болжам бойынша, шабуыл жасағандар ақша іздеген болуы мүмкін.
Кадрлардан әйелдің денесінде көптеген жарақат барын және бетінің қатты ісіп кеткенін көруге болады.
