Павлодар облысы бойынша ҚАЖД мекемесінде сотталған әйел ресми түрде некеге тұрды, деп хабарлайды turkystan.kz.
№ 47 мекемеде қызметкерлер сотталған әйелге азаматтық жұбайымен некені мемлекеттік тіркеуге қажетті құжаттарды дайындау мен ресімдеуде жан-жақты көмек көрсетті. Мекеме әкімшілігінің қолдауының арқасында ерлі-зайыптылар өз қарым-қатынастарын заңды түрде тіркеуге мүмкіндік алды.
Жаңадан шаңырақ көтерген жастар үшін бұл оқиға отбасын нығайтуға және жазасын өтеу кезеңінде әлеуметтік маңызы бар байланыстарды сақтауға бағытталған маңызды қадам болды.
Бас бостандығынан айыру орындарында некені ресми түрде тіркеу — бұл жай ғана формалдылық емес, түзелуге және босатылғаннан кейін қоғамға табысты бейімделуге арналған үлкен ынта.
— Отбасылық құндылықтарды сақтау және нығайту — біздің жұмысымыздағы басты бағыттардың бірі. Жақындарының қолдауы сотталғандарға ертеңгі күнге деген сенімділік пен түзелу жолына түсуге күшті мотивация береді. Түзеу мекемесі отбасын сақтауға және сәтті әлеуметтенуге ықпал ететін мәселелерде әрдайым қажетті құқықтық әрі ұйымдастырушылық көмек көрсетуге дайын, — деп атап өтті № 47 мекеме әкімшілігінің өкілі.
Мекеме қызметкерлері сотталғандардың туған-туысқандарымен байланысын ұстап тұруына үнемі ерекше көңіл бөледі, өйткені берік отбасылық қатынастар адамның қоғамға аман-есен оралуының кепілі.
