«Ауыл» партиясының өкілдері Павлодар облысының Набережное ауылындағы «AndasAgro» кәсіпорнының еңбек ұжымымен кездесті. Жиынға «Ауыл» партиясының Құрылтай депутаттығына кандидаттары Бекен Сағындықұлы мен Ернар Джакашев те қатысты, деп хабарлайды turkystan.kz.
Кездесу барысында «Ауыл» партиясының сайлауалды бағдарламасының агроөнеркәсіптік кешенді дамытуға қатысты негізгі бағыттары таныстырылды. Шаруалармен ауыл шаруашылығы өндірісін қаржыландырудың қолжетімділігі, мемлекеттік тетіктердің тиімділігі және өндірісті дамытуға қажетті жағдайлар талқыланды.
«AndasAgro» – көкөніс, дәнді және бұршақты дақылдар өсірумен, тұқым шаруашылығымен және сүтті мал шаруашылығымен айналысатын көпсалалы кәсіпорын. Кездесуде «Ауыл» партиясының өкілдері өсімдік және мал шаруашылығын қатар дамыту, аграрлық секторға жүйелі инвестиция тарту және өндірістің барлық буынын қамтитын біртұтас тізбек қалыптастыру мәселелеріне тоқталды.
«Ауыл» партиясы ауыл шаруашылығы тауар өндірушілерінің қаржы ресурстарына қолжетімділігін арттыру және ауылдық жерлерде тұрақты жұмыс істеуге жағдай жасау мәселелерін сайлауалды бағдарламасының негізгі бағыттарының бірі ретінде қарастырады.
«Ауыл» партиясының төрағасы Қайрат Айтуғанов ауыл шаруашылығы өндірісінің тұрақты дамуы үшін қаржыландыру, өндірістік инфрақұрылым және өткізу тетіктері өзара сабақтас болуы қажет екенін атап өтті.
Кездесу барысында «Ауыл» партиясының Құрылтай депутаттығына кандидаттары Бекен Сағындықұлы мен Ернар Джакашев шаруалардың сұрақтарын тыңдап, өндірістегі өзекті мәселелер бойынша пікір алмасты.
Шаруалар өз тарапынан ауыл шаруашылығы саласындағы қаржыландыру тетіктері, өндірісті кеңейту және мамандармен қамтамасыз ету мәселелеріне қатысты ұсыныстарын жеткізді. «Ауыл» партиясының өкілдері айтылған пікірлерді тыңдап, көтерілген мәселелердің маңыздылығын атап өтті.
«Ауыл» партиясының сайлауалды бағдарламасында ауыл шаруашылығы өндірісін дамыту, аграрлық секторға инвестиция тарту және ауылдық аумақтардағы жұмыспен қамтуды арттыру мәселелеріне ерекше назар аударылған.
Кездесу ашық диалог форматында өтті. «Ауыл» партиясы өкілдерінің айтуынша, еңбек ұжымдарымен тікелей кездесулер өндірістегі нақты мәселелерді анықтап, аграрлық сектордың дамуына қатысты ұсыныстарды талқылауға мүмкіндік береді.
