Шымкент қаласында «Ауыл» партиясының өкілдері «Қазығұрт – юг» кәсіпорнының еңбек ұжымымен кездесу өткізді. Кездесуге «Ауыл» партиясынан Құрылтай депутаттығына кандидаттар қатысып, өндіріс пен логистика саласының өзекті мәселелері бойынша пікір алмасты, деп хабарлайды turkystan.kz.
«Қазығұрт – юг» кәсіпорны мұнай өңдеу зауытының үздіксіз жұмысын теміржол арқылы қамтамасыз етіп, маңызды логистикалық міндет атқарып отыр. Кездесу барысында «Ауыл» партиясының өкілдері кәсіпорынның жұмысымен танысып, өндірістік үдерістерге қатысты мәселелерді талқылады.
Кездесуде «Ауыл» партиясының сайлауалды бағдарламасының негізгі бағыттары таныстырылып, теміржол тасымалының тиімділігін арттыру, инфрақұрылымды жаңғырту, еңбек жағдайларын жақсарту, мамандар даярлау және өндірістің тұрақты жұмысын қамтамасыз ету мәселелеріне назар аударылды.
«Ауыл» партиясының өкілдері еңбек адамының өндіріс пен ел экономикасындағы рөліне тоқталды. Теміржол, өндіріс және логистика салаларында күн сайын еңбек ететін мамандардың жұмысы өндірістің тұрақтылығы мен өңір экономикасының дамуына тікелей әсер ететіні айтылды.
Сонымен қатар «Ауыл» партиясы еңбек жағдайларын жетілдіру, кәсіби мамандардың біліктілігін арттыру және өндірістік салаларда қажетті кадрларды даярлау мәселелерін маңызды бағыттардың бірі ретінде қарастыратыны атап өтілді.
Кездесу барысында «Ауыл» партиясының Құрылтай депутаттығына кандидаттары өндірістің тұрақты жұмыс істеуіне қажетті инфрақұрылым, логистика және кадрлық әлеует мәселелері бойынша пікір алмасты.
«Ауыл» партиясының өкілдері сапалы инфрақұрылым мен тиімді логистикалық жүйенің өндіріс орындарының үздіксіз жұмысы үшін маңызын атап өтті. Кәсіпорын қызметкерлері өз тарапынан теміржол тасымалы, еңбек жағдайы және өндірістік инфрақұрылымға қатысты ұсыныстарын білдірді.
Кездесуде «Ауыл» партиясының сайлауалды бағдарламасында қамтылған өндірісті дамыту, еңбек саласын жетілдіру және өңірлердің әлеуметтік-экономикалық әлеуетін арттыру бағыттары бойынша қосымша ақпарат берілді.
Іс-шара ашық диалог форматында өтті. «Ауыл» партиясының өкілдері еңбек ұжымының сұрақтарына жауап беріп, көтерілген мәселелер мен ұсыныстарды тыңдады. Кездесу соңында «Ауыл» партиясы өндіріс және еңбек ұжымдарымен осындай пікір алмасудың өзекті мәселелерді анықтауға мүмкіндік беретінін атап өтті.
