Қостанай – Әулиекөл автожолында болған апат салдарынан бір адам жарақат алды, деп хабарлайды turkystan.kz.
Полицияның алдын ала мәліметінше, Toyota Camry автокөлігінің жүргізушісі Қостанай қаласынан шығып Әулиекөлге қарай келе жатқан. Жолдың 7-шақырымында тасжолға кенеттен бұлан шауып шыққан. Жүргізуші тежегіш басып үлгермеген.
Оқиға салдарынан бір адам жарақат алды. Жарақаттың сипаты мен ауырлық дәрежесі нақтылануда.
«Қазіргі уақытта оқиғаның барлық мән-жайы анықталып жатыр, бірқатар тергеу әрекеттері жүргізілуде», – деп хабарлады Қостанай облысының полициясы.
Тексеру қорытындысы бойынша жол-көлік оқиғасына қатысушылардың әрекеттеріне құқықтық баға беріледі.
