Бүгінгі референдумға Мұнайлы ауданының тұрғындары белсенді қатысып, ел болашағына қатысты маңызды таңдау жасады, деп хабарлайды turkystan.kz.
Саяси науқаннан шет қалмай, өз дауыстарын бергендердің қатарында «Абысын ажын-2025» республикалық байқауының жеңімпазы атанған мұнайлылық Айым ата әулетінің келіндері де бар.
«Абысын-ажын» байқауында топ жарып, өнегелі әулет ретінде танылған келіндер референдум күні дауыс беру учаскесіне ұлттық киіммен келіп, көпшілікке үлгі көрсетті. Олар референдумға қатысу – әр азаматтың ел алдындағы жауапкершілігі екенін атап өтті.
Ұлттық дәстүрді дәріптеп жүрген әулет мүшелері бұл жолы да бірлік пен татулықтың, сондай-ақ азаматтық белсенділіктің жарқын үлгісін көрсетті.
