ТЖМ құтқарушылары қарға батып қалған балықшыларға көмектесті, деп хабарлайды turkystan.kz.
Ақмола облысында Қорғалжын ауданы Шалқар ауылының маңында жеңіл автокөлікпен жүрген екі ер адам қиын жағдайға тап болды. Қалың әрі борпылдақ қардың салдарынан көлік қарға батып, өз күштерімен шыға алмады.
Оқиға орнына жедел жеткен құтқарушылар қар басқан жол учаскелерінен өтіп, қар құрсауында қалған автокөлікті тауып, ішіндегі адамдарды эвакуациялады. Жолаушылар Қорғалжын ауылына жеткізіліп, сол жерден өз бағыттарын жалғастырды. Құтқарылғандарға медициналық көмек қажет болған жоқ.
ТЖМ ескертеді: алыс жолға шығар алдында міндетті түрде ауа райы болжамын және көліктің техникалық жағдайын тексеріңіз.
