Танымал журналист Дана Нұржігіт анасының туған күніне орай жазба жариялады, деп хабарлайды turkystan.kz.
Тележүргізуші анасының өмірде көп қиындық көргенін алға тартты.
"Жыл өткен сайын анамыздың біз үшін жасаған еңбегін терең түсініп келемін. 38 жасында әкемізден айырылып, үшеумізді жалғыз өзі аяқтандырды. Бар қиыншылықты бірге көрдік. Саудагерлік қолымыздан келмеді,бар білетініміз: өнер,ұстаздық. Біздің үйде “шуба алсам,алтын жинасам, екі этажды коттеж салсам, миллионер болсам…” деген әңгімелер болған емес! Бұл жақсы ма, жаман ба, білмеймін…Біз кәсіпті көп айттық, бірақ кәсіпкерлікті бертін келе ойлай бастадық. Отбасымызда өнердегі шығармашылық бірінші орында еді. Қазір де солай! Анамыздың бүгінгі өмірін шуақты етіп отырған Қанат ағамызға ризамыз. Екеуі де театр әртістері болғандықтан сыры мен жыры бір. Анам-75, Қанат ағамыз 83 келеді. Бірақ, өмірге деген құштарлықты осы кісілерден үйренемін. Аяқ қолыңа дерт бермесін,мама! Қарттыққа жеңістік бермей,жасай бер! Біз білетін өжеттігің, тәуекелшіл, дегеніңе жеткізетін, діттегеніңді болдыратын мінезіңнен,табандылығыңнан ажырама! Шекіспей беріспе! Біз қасыңдамыз!", - деді Дана Нұржігіт.
Желі қолданушылары жылы лебіздерін білдірді.
"Әумин! анаңыз сұлу екен. Аман болсын!", "Анаңыздың туған күні құтты болсын,көрер қызығы көп болсын", - деп жазды желі қолданушылары.
