Тұрсынбек Қабатовтың бұрынғы жұбайы Мөлдір Мұқан әлеуметтік желідегі парақшасында жаңа жазба жариялап, өзін қолдаған көпшілікке алғыс айтты, деп хабарлайды turkystan.kz.
Желіде тараған жазбада ол халықтың қолдауы қиын сәтте үлкен күш бергенін жеткізді.
"Халықтың маған деген махаббаты ең үлкен марапатым.
Биікке шықсам қуанып, сынаққа түссем тірек болды. Сол сезімді жүрекпен сезіну баға жетпес бақыт.
Уақыт бәріне емші. Жүрегімде сыр, жүзімде сабыр бар. Айналамдағы жүрегі таза, ниеті нұрлы жақсы адамдардың барына шүкір.
Мен — жақсылықты ұмытпаймын.
Сіздерге деген алғысым шексіз.
Кей сезім сөзбен айтылмайды…
Жақсы көремін сіздерді", — деп жазды Мөлдір Мұқан.
