Танымал әзілкеш, Қазақстанның еңбек сіңірген әртісі Бауыржан Ибрагимов әнші Кенжебек Жанәбіловтің жұбайына сәлем салғаны үшін ақша берген сәті әлеуметтік желіде қызу талқыланды, деп хабарлайды turkystan.kz.
Желіде тараған видеода Кенжебек Жанәбілов өнердегі ағасын қуана қарсы алып, жұбайын «келініңіз» деп таныстырады. Сол сәтте әншінің жары дәстүрлі қазақы әдебімен иіліп сәлем салған.
Бұл көрініске разы болған сатирик Бауыржан Ибрагимов қалтасынан 5 мың теңге шығарып, келінге ұсынып:
«Айналайын-ай, ырымы ғой», – деп ақжарма тілегін білдіреді.
