Астаналық азамат мүгедектігі бар балалардың есебінен баюды көздеген, деп хабарлайды turkystan.kz.
Ол "Біздің балаларға арбалар" деп аталатын "What's App" мессенджер тобына мүмкіндігі шектеулі балаларға арналған пайдаланылған кресло-арбаларды сатамын деп ақпарат таратқан.
Жәбірленушілер хабарландыруға назар аударып, кресло-арбаларды пошта арқылы жіберуге уәде берген алаяқтың картасына 40 мыңнан 114 мың теңгеге дейін ақша аударған.
Сотта ол кінәсін мойындап, жәбірленушілердің шығынын өтеген. Сот үкімімен ер адамға пробациялық бақылау белгілеп, 2 жыл бас бостандығын шектеу жазасы тағайындалды.
