Жамбыл облысының Шу аудандық соты моральдық зиянды өтеу туралы талап арызды қарады, деп хабарлайды turkystan.kz.
Талап қоюшы 2023 жылдан бастап ЖШС-де Жетісу облысындағы станциялардың бірінде жол монтері лауазымында жұмыс істеген. Автокранның темір тросының үзіліп, механизм оның үстіне құлаған. Оған ІІ топ мүгедектігі беріліп, 70%-ға еңбекке қабілеттілігінен айырылған.
ЖШС басшылығының шешімімен талап қоюшыға 5,4 млн теңге көлемінде төлем жүргізілді. Талап қоюшы ауыр ауруға шалдыққандықтан, жазатайым оқиғадан бастап қазіргі уақытқа дейін жұмыс істей алмайтынын атап өтті.
Жауапкер соттан талап қоюшыға бұрын ұжымдық шарт пен сақтандыру өтемі шеңберінде төлемдер жасалғандықтан, талап қоюды қанағаттандырусыз қалдыруды сұрады.
Іс материалдарын зерттеп, сот жазатайым оқиға жұмыс берушінің кінәсінен болғанын анықтады (90%-ға), бұл жазатайым оқиға туралы актімен расталды. Талап қоюшының азап шегу сипатын, жауапкердің кінәсінің дәрежесін және әділеттілік пен жеткіліктілік принциптерін ескере отырып, сот талап қоюды ішінара қанағаттандырды.
Сот шешімімен ЖШС-нен талап қоюшының пайдасына 3 млн теңге көлемінде моральдық зиян өтелді.
