7 қазан күні кешкісін Шымкент қаласында жаяу жүргіншіні автобус қағып, әйел оқиға орнында қаза тапты, деп хабарлайды turkystan.kz.
Алдын ала мәлімет бойынша, ол жолды белгіленбеген жерден қиып өтпек болған. Жол-көлік оқиғасы «Жібек жолы» көшесінде орын алған. Белгіленбеген жерден өтіп бара жатқан әйел жолаушылар автобусының астына түсіп қалған.
Жәбірленушіні аман алып қалу мүмкін болмады – ол оқиға орнында көз жұмды.
Аталған дерек бойынша қылмыстық іс қозғалды.
Шымкент қалалық Полиция департаменті қазіргі уақытта жол апатының барлық мән-жайын анықтауға бағытталған кешенді тергеу шаралары жүргізіліп жатқанын хабарлады.
