Танымал әнші Ақбота Керімбекова "КешREC" бағдарламасында қонақ болып, жас кезінде буллинге ұшырағанын айтып берді, деп хабарлайды turkystan.kz.
"Көбі біледі ғой, бетімде қал бар. Соны бала кезімде көп мазақ ететін. Мектепте де, балабақшада да барлығы келеке еткен. "Көк көз, бетіне балта түсіп кеткен" деп түрлі сөздер айтатын. Содан кейін ішімде комплекс пайда болды. Көп көзіне түсуден қашып, көпшілік ортадан қашатынмын. Суретке де түскім келмейтін. Содан адамның емес, Алланың қалауы болып өнерде, халық алдында жүрмін. Алла мен қаламаған дүние болса да мені бұрып қазақ сахнасына әкелді", - деді әнші.
