Шымбұлақта аспалы жол істен шығып, туристер құтқарылды, деп хабарлайды turkystan.kz.
Бүгін теңіз деңгейінен 3200 метр биіктікте орналасқан «Шымбұлақ» тау-шаңғы курортында «Комби-2» аспалы жолы тоқтап қалды.
Алматы қаласы ТЖД құтқарушылары, ТЖМ республикалық жедел-құтқару жасағы және курорт қызметкерлері шұғыл түрде құтқару операциясын жүргізді. Нәтижесінде кабинада қалған 20 адам альпинистік құрал-жабдықпен төмен түсірілді. Сондай-ақ Талғар асуында қалып қойған шамамен 100 қонақ қауіпсіз жерге эвакуацияланды.
Құтқару жұмыстары кезінде зардап шеккендер жоқ. Қазіргі уақытта аспалы жол уақытша жұмыс істемейді, оны қалпына келтіру шаралары жүргізілуде.
