Қаржылық мониторинг агенттігі төрағасының орынбасары Жеңіс Елемеслв бұрынғы еңбек және халықты әлеуметтік қорғау вице-министрі Ақмәди Сарбасовқа қатысты ақпарат берді, деп хабарлайды turkystan.kz.
«Сарбасов — экс-вице-министр. Еңбек және халықты әлеуметтік қорғау бірінші вице-министрі болған. Ол бізде күдікті саналады. Қазіргі уақытта пара алу фактісі бойынша қылмыстық іс тергеліп жатыр. Оған бұлтартпау шарасы ретінде қамауға алу қолданылды. Онымен бірге екі фигурант бар. Бұрынғы денсаулық сақтау вице-министрі Арғандықов Дәулет және “ForteBank” акционерлік қоғамының экс-төраға орынбасары Омаров Руслан», — деді ол.
