Microsoft корпорациясында қайғылы жағдай болды. Кремний алқабындағы кампуста компанияның бағдарламалаушы-инженері, 35 жастағы Пратик Панди кенеттен көз жұмды. Bloomberg жазғандай, оның өлімі туыстары үшін де, әріптестері үшін де күтпеген жағдай болған, деп хабарлайды turkystan.kz.
Үндістаннан шыққан жас маман Microsoft-та бағдарламалық қамтамасыз ету инженері болып еңбек еткен. Туыстарының айтуынша, Панди ұзақ уақыт бойы жұмыс орнында кешке дейін қалып, жиі артық жұмыс істейтін. Олар дәл осы жағдай оның өмірін қысқартты деп есептейді.
Оқиға 2025 жылғы 19 тамызда болғанымен, ол туралы бір аптадан кейін ғана көпшілікке белгілі болды. Пандидің денесі 20 тамыз түнінде табылған. Бір күн бұрын ол жұма күні кешке кеңсеге келіп, тағы да қосымша жұмыс істеуді ұйғарған.
Оның ресми өліміне қатысты себептер әзірге жарияланған жоқ. Туыстары 35 жасында аяқ астынан өлімге алып келетін сырқаты болмағанын айтады.
