Белгілі баспагер "Қайрат" футбол клубының қаһарманы Темірлан Анарбековтың алғашқы қадамы жайында жазды, деп хабарлайды turkystan.kz.
"Темірланның тағдырына менің де қатысым бар екен. 2012-16 жыл аралығында Атырауда облыс әкімінің орынбасары болып істедім. Сол жылдары 4 жыл бойы “Атырау” ФК-ның президенті болдым. Балалар футболын дамытамыз деп Футбол орталығын ашып, облыстан жүздеген баланы жинадық. Темірлан 11 жыл бұрын сол орталыққа келіп, көзге түсіп, кейін “Қайрат” алып кетіпті. Сол клубта істеген жігіттер айтып жатыр. “Жеңістің иесі көп” деген осы. Спорт тек жеңістен тұрмайды. Жеңілсе де жігіттерге қолдау көрсетіп, бірге болайық!", - деп жазды ол әлеуметтік желіде.
