Солтүстік-батыс циклоны және онымен байланысты атмосфералық фронттар Қазақстан аумағының басым бөлігінде жаңбыр мен найзағай әкеледі, деп хабарлайды turkystan.kz.
2025 жылғы 28 шілде, дүйсенбі күні елдің солтүстігінде қатты жаңбыр жауады, кей аймақтарда дауыл мен бұршақ болуы мүмкін.
"Тек Қазақстанның оңтүстік-батысында жауын-шашынсыз ауа райы сақталады. Республика бойынша жел күшейеді, оңтүстікте – шаңды дауыл. Солтүстікте түнгі және таңғы уақытта тұман түседі", - деп мәлімдеді "Қазгидромет" РМК.
Күндіз Жетісу, Абай облыстарында, сондай-ақ Жамбыл, Алматы және Шығыс Қазақстан өңірлерінде аптап ыстық – +35…+38°C.
Өте қатты ыстық Жетісу облысының солтүстік-батысы мен орталығында, Абай облысының оңтүстігінде, сондай-ақ Алматы облысының батысы мен солтүстігінде болады. Бұл өңірлерде термометр +41…+42°C дейін көтеріледі.
