20 шілде күні Алматыдағы Әл-Фараби даңғылында, Есентай өзенінің бойында орналасқан балалар алаңында жануарға қатыгездік көрсетілген, деп хабарлайды turkystan.kz.
«Иттің иесі итті турникке тікесінен тұрғызып, аяқтары мен мойнынан байлап, өзі жаттығуға кеткен. Ит іс жүзінде асылып тұрды. Ол қыңсылап, дірілдеп тұрды. Оның ауырсынып тұрғанын байқауға болады. Менің және басқа да өтіп бара жатқан адамдардың наразылығына ол айқайлап, қорқыта бастады. Мен оқиға орнына полиция шақырдым, содан кейін иттің иесі қашып кетті. Бақытымызға орай, полиция жылдам келді. Олар менен түсініктеме алды және иттің иесін тапты. Барлық тараптан жауап алынды. Иттің иесі де, мен де түсініктеме жаздық. Болды. Полиция тарапынан өз міндеттеріне кіретін барлық шаралар қабылданды. Учаскелік инспекторлар сабырлы болды және барлық видеоайғақтарды қарады», – деп жазды видео авторы Threads әлеуметтік желісінде.
