Бүгін Перизат Қайрат пен оның анасы Ғайни Алашбаеваға қатысты ұрлық және алаяқтық бабы бойынша өтіп жатқан қылмыстық істің сот отырысы жабық форматта жалғасады, деп хабарлайды turkystan.kz.
Астана сотының баспасөз қызметі мәлімдегендей, отырыс банк құпиясы бар құжаттар сияқты құпия мәліметтер қаралуына байланысты жұртшылық үшін ашық болмайды.
Бұған дейін істі қарап жатқан судья Сабыржан Каримов сот отырыстарын дүйсенбі және бейсенбі күндері өткізу кестесін бекіткен болатын. Алайда өткен аптада отырыстар сәрсенбі, бейсенбі және жұма күнінің бірінші жартысында да өтті.
Айта кетейік, 2024 жылдың қараша айында Перизат Қайрат су тасқынынан зардап шеккендерге көмек ретінде жиналған 1,5 миллиард теңгеден астам қаражатты жымқырды деген күдікпен қамауға алынған. Тергеу деректеріне сәйкес, бұл қаражаттың бір бөлігі жеке қажеттіліктерге — элиталық жылжымайтын мүлік, автокөліктер сатып алу және қымбат сапарларға жұмсалған.
Сондай-ақ, Қайраттың қор қаражатын қолма-қол ақшаға айналдыру үшін достары мен туыстарын тартып, олардан бұл қызметтері үшін сыйақы төлегені туралы да хабарланған.
Кейін Қаржы мониторингі агенттігі Перизат Қайраттың тағы бір құқыққа қарсы әрекетін анықтағанын мәлімдеді. Оны Палестина тұрғындарына гуманитарлық көмек көрсету үшін жиналған қаражатты жымқырды деген күдікке ілінген.
