17 шілдеде Қарағандыдағы банктердің бірінде өрт шықты, деп хабарлады turkystan.kz.
Төтенше жағдайлар министрлігінің мәліметінше, дәл қазіргі сәтте Қазыбек би ауданындағы Бухар Жырау даңғылында орналасқан тоғыз қабатты тұрғын үйге жапсарлас салынған бір қабатты банкте өрт сөндіру жұмыстары жүргізілуде.
«112 қызметіне зардап шеккендер туралы ақпарат түскен жоқ. Оқиға орнында құтқарушылар жоғары деңгейдегі дайындықпен жұмыс істеп жатыр. Нақты мәлімет бойынша, Қарағанды қаласындағы банктердің бірінде Бухар Жырау даңғылы бойында электр сымдарының оқшаулағыш жылытқышы, жылу оқшаулағыш және сәндік төбе жабыны өртенген», – делінген ведомство хабарламасында.
Өрт ТЖМ күштерімен оқшауланды.
Қазіргі уақытта оқиға орнында өрт-техникалық зертхананың мамандары мен төтенше жағдайлар департаментінің анықтаушылары жұмыс істеуде.
