Полицейлер құрылыс алаңында қоршалған жерде тұрған бірнеше автокөлікті бүлдірген жасөспірімдерді анықтады, деп хабарлайды turkystan.kz.
Жақын маңдағы тұрғын үйлердің тұрғындарына тиесілі көліктер ұзақ уақыт бойы сол жерде тұрған.
Бөтен мүлікті бүлдіру фактісі бойынша қылмыстық іс қозғалды. Қазіргі уақытта көлік иелеріне келтірілген материалдық шығын есептеліп жатыр.
Тергеу нәтижелері бойынша кәмелетке толмағандардың заңды өкілдері жауапкершілікке тартылады. Сондай-ақ балалардың мінез-құлқы Астана қаласы әкімдігі жанындағы балалардың құқықтарын қорғау жөніндегі комиссияда қаралады.
Бөтен мүлікті қасақана жою немесе бүлдіру 60 АЕК-ке дейін айыппұл салуға немесе 30 тәулікке дейін қамауға алуға әкеп соғады.
