5 маусым күні кешкісін Алматы – Өскемен тасжолының бойында, Қонаев қаласының маңында үлкен жол-көлік апаты болды, деп хабарлайды turkystan.kz.
Апатқа үш көлік қатысқан. Жол апатынан бірнеше адам зардап шекті, оның ішінде екі бала бар.
Оқиға шамамен 22:50-де орын алған.
«Toyota Camry жүргізушісі алдындағы басқа Camry-ге соқтығысып, оны қатты соққыдан қоршауға ығыстырды. Осыдан кейін олар Toyota Land Cruiser джипіне соқтығысқан», – деп түсіндірді өңірлік полиция департаменті.
Зардап шеккендер – джип жүргізушісі мен екі жасөспірім жолаушы. Барлығы тексерілді, ауыр жарақаттар тіркелмеді, зардап шеккендер үйіне жіберілді.
Қазір полиция тексеру жүргізіп, оқиғаның барлық мән-жайларын анықтап жатыр.
