Ұлы дала төсін мекен еткен байырғы бабаларымыздың мәдениеті мен өнері, құндылықтары мен көзқарасы ескерткіштерде, тарихи орындарда айқын көрініс табады. Оны көздің қарашығындай қорғап, болашақ ұрпаққа қаз-қалпында қалдыру – баршамызға ортақ парыз.
Осы орайда, ЮНЕСКО халықаралық ұйымының тарихи құндылықтар тізіміне еліміздегі бірқатар тарихи орындар мен елеулі ескерткіштер енгізілді. Олардың қатарында «Әзірет Сұлтан» тарихи-архитектуралық кешені мен Тамғалы тас шатқалындағы жартастарға салынған суреттер топтамасы да бар.
Ел тарихына құрмет – ең қастерлі міндет. Ата тарихымызды әркез ардақтай білейік!
