«Шакенти» лақап атымен танылған Шәріп Серік кешеден бері сынның астында қалды. Көңіл қосқан қалыңдығы Әлия Ботеева оның өзіне қол көтергенін айтып, айыптаған болатын, деп жазады turkystan.kz.
Содан бері актердің басы дауға қалды.
Səlem Entertainment компаниясы Шәріп Серікпен әріптестік қарым-қатынасын тоқтату туралы шешім қабылдап, оны «қара тізімге» енгізді.
Енді актердің бұрынғы жұбайы, танымал рэпер Мөлдір Есембек (лақап аты – Say Mo) Шәріп Серіктен көрген қорлығын жазды. Ол оны әлеуметтік желідегі парақшасының сторисіне жариялаған.
«Оқиғаның қайталанғаны өкінішті. Мен оның бұл қылығына таңғалған жоқпын. Абьюзерлердің эгосы асқынған. Олар өзінің кінәсін мойындамайды, өздерінікі бұрыс деп есептемейді. Сәйкесінше мұндай адамдар ешқашан өзгермейді. Себебі өздерінің ойынша олар ең идеал адамдар», - деп жазды ол.
