Астана тұрғыны OLX интернет-платформасына «жиһаз сатамын» деп жалған жарнама беріп, 40 адамды сан соқтырған, деп хабарлайды turkystan.kz.
Жәбірленушілердің бірі одан 50 мың теңгенің диванын алмақ болып, абоненттік нөміріне 40 мың теңге аударған. Алаяқ ақшаны алғаннан кейін байланысқа шықпаған.
Өзі алдаған 40 адамнан жалпы сомасы 2 млн теңгеден астам қаражат алған.
Ол сотта кінәсін толық мойындап, барлық жәбірленушілерге келтірілген залалды өтеді.
Сот үкімімен жас баласының болуына байланысты жазасын кейінге қалдыра отырып, 3 жыл 6 айға бас бостандығынан айыру жазасына кесілді.
Үкім заңды күшіне енді.
Елорда прокуратурасы азаматтарды мұқият болуға және күмәнді виртуалды мәмілелерге келіспеуге шақырады.
