Қазақстан футбол федерациясының бұрынғы басшысы Әділет Барменқұлов күдікті деп танылған жоқ, деп жазады turkystan.kz.
Бұл туралы Қаржылық мониторинг агенттігі төрағасының орынбасары Жеңіс Елемесов хабарлады.
«Бізде Қазақстан футбол федерациясына қатысты қаражат ұрлау фактісі бойынша қылмыстық іс бар. Барменқұлов қазіргі таңда күдікті ретінде танылған жоқ», – деді Елемесов.
Айта кетейік, бұған дейін жүргізілген тексеріс нәтижесінде футбол федерациясының бұрынғы басшылығы кезінде 3 млрд теңгенің желге ұшқаны белгілі болған еді.
Атап айтқанда негізсіз сыйақы төленген, инфрақұрылым объектілерін салған кезде қаражат мақсатсыз жұмсалған, спортшылармен күмәнді келісімдер жасалған, спортшылардың тамағына бөлінген қаражат ұрланған. Федерацияның бұрынғы басшылығы жекелеген қызметкерлер мен спортшыларға 300 млн теңгеден астам сомада негізсіз сыйақы төлеген.
