Жапония жағалауында магнитудасы 6,2 болатын жер сілкінісі тіркелді, деп хабарлады turkystan.kz.
Бұл туралы АҚШ-тың Геологиялық қызметі (USGS) мәлімдеді.
Берілген мәліметке сәйкес, жерасты дүмпулері жергілікті уақыт бойынша 14:03-те Нисиноомоте қаласынан солтүстік-шығысқа қарай 54 шақырым қашықтықта тіркелген. Бұл қалада шамамен 14 000 адам тұрады.
Зілзаланың ошағы 26 шақырым тереңдікте орналасқан.
Жапа шеккендер мен қираған ғимараттар туралы ақпарат түскен жоқ.
