Оған бір жолаушының жағдайының нашарлауы себеп болған.
Тбилиси – Алматы бағытымен ұшқан Air Astana ұшағы Бакуге қонуға мәжбүр болды, деп хабарлайды turkystan.kz.
Әуе кемесінің командирі борттағы бір жолаушының жағдайының нашарлауына байланысты сондай шешім қабылдаған.
Ұшақ Баку әуежайына аман-есен қонған. Жағдайы нашарлаған жолаушыға алғашқы медициналық көмек көрсетіліп, кейін ауруханаға жіберілген.
Air Astana ұшағы белгіленген уақытынан кешіккендіктен, қалған жолаушылар қонақ үйге жіберілген.
