Бұл жолы құрылғы БҚО-ның Тасқала ауданынан табылған.
Бүгін Тасқала ауданы Атамекен ауылы тұсында ауыл тұрғындары белгісіз затты анықтағаны туралы әлеуметтік желіде хабарлама тарады, деп жазды turkystan.kz порталы zhaikpress.kz сайтына сілтеме жасап.
Желіде тараған ақпаратта дронға ұқсайтын құрылғыны анықтау үшін оқиға орнына полиция қызметкерлері мен саперлер, төтеншеліктер аттанғаны жазылған.
Полиция департаментінің баспасөз қызметі Тасқала ауданы маңынан дронға ұқсас құрылғының табылғанын растады.
- Қазір ұшқышсыз ұшатын ұшаққа ұқсас құрылғыны анықтау мақсатында тексеріс басталды. Ол Тасқала ауданы маңынан табылды, - деп мәлімдеді.
