Финалда отандасымыз ресейлік Юлия Чумгалаковамен кездесіп, тартысты жекпе-жек өткізді
Мазмұны
Париж Олимпиадасының қола жүлдегері, қазақстандық боксшы Назым Қызайбай үшінші мәрте әлем чемпионы атанды.
Финалда отандасымыз ресейлік Юлия Чумгалаковамен кездесіп, тартысты жекпе-жек өткізді.
Төрешілердің шешімі бойынша алғашқы раунд толықтай қазақстандық боксшының пайдасына шешілді, ал екінші раундта Назым өз басымдығын одан әрі арттырды.
Жекпе-жектің соңғы бөлігінде қазақстандық боксшы кездесуді сенімді түрде жеңіспен аяқтады. Нәтижесінде төрешілер 5:0 есебін тіркеді.
Осылайша Назым Қызайбай әлемнің үш дүркін чемпионы атанып отыр. Бұған дейін ол 2014 жылы (Жежу) және 2016 жылы (Астана) осы жетістікке жеткен болатын.
