сейсенбі, 1 сәуір, 2025

Қызылорда облысында еріген қар суы ауылға кірді

/
Видеодан алынған кадр
Бұл туралы ТЖМ баспасөз қызметі хабарлады

Қызылорда облысы Қармақшы ауданының Жосалы кентінде қардың жылдам еруі салдарынан Қасымов және Мәмбет би көшелеріне топан су жайылды, деп хабарлады Төтенше жағдайлар министрлігі.

Мәлімет бойынша, қарғын су тұрғын үйлерге кірмеген, зардап шеккендер жоқ.

Оқиға орнына төтенше жағдайлар департаментінің, жергілікті атқарушы органдардың және полицияның күштері мен құралдары жедел жетті. Тасқын судың салдарын жоюға барлығы 150-ден астам адам, 14 техника, соның ішінде мотопомпалар жұмылдырылды, - делінген хабарламада.

Төтенше жағдай қызметінің хабарлауынша, жедел қабылданған шаралардың арқасында жеке тұрғын үйлерге су кіруіне жол берілген жоқ. Қазір еріген қар суын сору және бұру жұмыстары толығымен аяқталды, жағдай тұрақты.

Бөлісу: