Қазақстан футбол федерациясының бұрынғы басшысы тергеуге алынды

БАҚ тарапынан келіп түскен сұраныстарға байланысты, ҚМА Қазақстан футбол федерациясының бұрыңғы басшылығына қатысты сотқа дейінгі тергеуді бастағанын растайды, деп хабарлады turkystan.kz.

Бұл туралы Қаржылық мониторинг агенттігі мәлім етті.

Барлық тергеу әрекеттері заңнама талаптарына сай жүргізілуде.

ҚР ҚПК-нің 201-бабына сәйкес өзге ақпарат жарияланбайды.

Айта кетейік, өткен жылдың қараша айында Әділет Барменқұлов Қазақстан футбол федерациясының президенті қызметінен өз еркімен кеткен болатын.