Бала бұған дейін жансақтау бөлімінде жатқан, алайда 28 ақпанда есін жимастан көз жұмды
Солтүстік Қазақстан облыстық көпбейінді балалар ауруханасында ауыр жарақатпен жатқан 3 жасар сәби 2,5 айлық емнен кейін қайтыс болды. Бұл туралы СҚО Денсаулық сақтау басқармасының баспасөз қызметі хабарлады.
Бала бұған дейін жансақтау бөлімінде жатқан, алайда 28 ақпанда есін жимастан көз жұмды.
Оқиға 2023 жылғы 19 желтоқсанда Петропавлда болған. 3 жасар баланың сол жақ көзіне пышақ кіріп кеткен. Анасы дәрігерлерге оның ас бөлмесінде орындықтан құлап, жарақаттанғанын айтқан. Дәрігерлер балаға ашық бас-ми жарақаты және ауыр дәрежедегі мидың соғылуы диагнозын қойды.
СҚО Полиция департаменті бұл факті бойынша кәмелетке толмаған баланы тәрбиелеу жөніндегі міндеттерді орындамау бабымен сотқа дейінгі тергеу бастады. Алайда 25 желтоқсанда қылмыстық іс “денсаулыққа абайсызда зиян келтіру” бабына ауыстырылды.
