Ақтөбеде патрульдік полиция қызметкерлері жол ережесін бұзған BMW автокөлігін тоқтатып, оның жүргізушісінің мас екенін анықтады.
Облыстық ПД мәліметінше, тексеру барысында 34 жастағы жүргізушінің 2022 жылы көлік жүргізу құқығынан 7 жылға айырылғаны белгілі болған. Сараптама нәтижесі оның алкогольдік масаң күйде болғанын көрсетті.
Куәгерлердің қатысуымен көлікті тексеру кезінде полицейлер оқ-дәрісі бар сигналдық тапаншаны тауып, тәркіледі.
Құқық қорғау органдары мас күйде көлік басқару және заңсыз қару сақтау фактілері бойынша тергеу жүргізіп жатыр. Күдікті уақытша ұстау изоляторына қамалды.
