186
Құтқарушылар бес күн жолда қалған жүргізушіге көмектесті
Жүргізуші құтқарушылардың уақытында көрсетілген қолдауы мен кәсібилігі үшін алғысын білдірді
Құтқарушылар Жамбыл облысындағы Қордай асуында қалып қойған жүк көлігінің жүргізушісіне көмек көрсету операциясын сәтті аяқтады, деп хабарлады Төтенше жағдайлар министрлігі.
Қатты аяз салдарынан жүк көлігінің жанармайы қатып қалған.
«ТЖД қызметкерлері оқиға орнына арнайы техника – «Трэкол» көлігімен шыққан, онда жүк көлігінің жүргізушісі өте қиын жағдайда болған. Ұзақ мерзімді аяз салдарынан көліктің жанармайы қатып қалған, нәтижесінде ер адам бес күн бойы жолда қалған», – деп хабарлады ТЖМ.
Жолда қалып қойған жүргізушіге қажетті көмек көрсетіліп, оның денсаулығы тексерілді және көлік құралын қалпына келтіру жұмыстары жүргізілді.
Жүргізуші құтқарушылардың уақытында көрсетілген қолдауы мен кәсібилігі үшін алғысын білдірді.
