200
Үйінде бір қап марихуана сақтаған Шу тұрғыны ұсталды
Күдікті кінәсін мойындап, Шу ауданының уақытша ұстау изоляторына қамауға алынды
Жамбыл облысында жазғы асүйде бір қап марихуана сақтаған Шу ауданының тұрғыны ұсталды.
Massaget.kz мәліметінше, есірткі заттарын заңсыз дайындап, аса ірі мөлшерде сақтау дерегі бойынша полиция қызметкерлері Шу ауданының 41 жастағы тұрғынын ұстады.
"Оның тұрғылықты жерін тінту кезінде есірткі қойылған бірнеше жасырын орын табылды. Күдікті жазғы асүйде бір қап марихуана сақтаған, ал тағы бір қап шөп жиналған қорадан табылған", - деп жазылған хабарламада.
Барлығы 6 келі 132 грамм кептірілген марихуана тәркіленді.
Күдікті кінәсін мойындап, Шу ауданының уақытша ұстау изоляторына қамауға алынды.
