200
Шығыс Қазақстанда екі жолда көлік қозғалысына шектеу қойылды
Құтқарушылар тұрғындарға алыс сапарға шығар алдында жолдардың жағдайын «Дәрмен» мобильдік қосымшасы арқылы тексеруге кеңес берді
Шығыс Қазақстан облысында қар көшкіні қаупінің күшеюіне байланысты екі жол уақытша жабылды.
ШҚО Төтенше жағдайлар департаментінің мәліметінше, облыстық маңызы бар екі тасжолда барлық автокөлік түрлері үшін қозғалыс тоқтатылды.
– Сағат 18:00-ден бастап Өскемен-Тарғын-Самар тасжолының 88-145 шақырымы (Жоғарғы Тайынты мен Самар аралығы), ал сағат 20:00-ден бастап Өскемен-Таулы Үлбі-Солтүстік тасжолының 30-60 шақырымы (Зоя Космодемьянская лагері мен Солтүстік жолы аралығы) жабылды, – деп хабарлады ведомство өкілдері.
Құтқарушылар тұрғындарға алыс сапарға шығар алдында жолдардың жағдайын «Дәрмен» мобильдік қосымшасы арқылы тексеруге кеңес берді.
