Желіде Қасым-Жомарт Тоқаевтың тағы бір сирек фотосуреті жарияланды

Белгілі қытайтанушы Иван Зуенко өзінің Telegram-каналында Қазақстан Президенті Қасым-Жомарт Тоқаевпен бірге түскен сирек фотосуретін жариялады. 

 И. Зуенконың айтуынша, бұл суретті қытайтанушы, «ДАТУН» Еуразиялық халықаралық жобалар орталығының директоры Андрей Царенко жеке архивінен тауып, бөліскен.

— Бұл шын мәнінде қымбат естелік! 1983/1984 оқу жылы Бейжің тіл институтындағы дәрісте отырған кеңестік тағылымдамашылар тобының фотосы. Бірінші қатарда сол жақ шетте — Андрей Витальевичтің өзі. Одан кейін екінші қатарда екінші отырған — Қасым-Жомарт Кемелұлы Тоқаев, қазіргі Қазақстан Президенті. (…) Өте ерекше әрі шынайы сурет. Топтың гендерлік және жас ерекшеліктерінен бастап, оқу аудиториясының ахуалына дейін айрықша бейнеленген. Нағыз қазына!, — деп жазды Иван Зуенко.