Си Цзиньпин Қасым-Жомарт Тоқаевқа көңіл айту жеделхатын жолдады

Қытай Халық Республикасының төрағасы Си Цзиньпин Мемлекет басшысына көңіл айту жеделхатын жолдады.

Си Цзиньпин Ақтау маңында Azerbaijan Airlines әуе компаниясының жолаушылар ұшағы апатқа ұшырауы салдарынан көптеген адамның, соның ішінде Қазақстан азаматтарының қайтыс болғаны туралы суыт хабарды терең күйзеліспен қабылдағанын жеткізді.

Сондай-ақ Қытай үкіметі мен халқының атынан қаза тапқандардың туған-туыстарына көңіл айтты.