257
Ақтаудағы кәсіпорында жұмысшы қаза тапты
Оқиға Маңғыстау атом энергетикалық зауытында болған.
Ақтауда Маңғыстау атом энергетикалық зауытында (МАЭК) жұмысшы қаза тапты, деп хабарлады turkystan.kz порталы lada.kz-ке сілтеме жасап.
23 желтоқсанда электр станциясында төтенше жағдай болып, бір жұмысшы қаза тапты. Алдын ала болжам бойынша, оның үстіне құбыр құлаған. Облыстық полиция оқиғаның егжей-тегжейін нақтыламады, бірақ басылым дереккөздерден жөндеу цехының шеберінің жұмыс орнында қаза тапқанын анықтаған.
Облыстық полиция департаменті бұл оқиғаға қатысты түсінік берді.
"Еңбек қауіпсіздігі ережелерін бұзу фактісі бойынша қылмыстық іс қозғалды. Сараптама тағайындалды. Тергеу жүріп жатыр", - деп хабарлады облыстық полиция.
