183
Степногорскте 84 млн теңгеге мемлекеттік сатып алуды заңсыз өткізген
Бұл туралы Бас прокуратура хабарлады.
Степногорск прокуратурасы 84 миллион теңгеден аса сомаға мемлекеттік сатып алуды заңсыз өткізу дерегін анықтады, деп хабарлады turkystan.kz сайты Бас прокуратураға сілтеме жасап.
Степногорск мемлекеттік активтер және сатып алу бөлімі "Мемлекеттік сатып алу туралы" Заңның талаптарын бұза отырып, 84,8 миллион теңге сомасына жылы аялдамаларды дайындау және орнату жұмыстарына ашық конкурс өткізуді көздегені анықталды.
Атап айтқанда, жұмыстарды жасау жерін көрсетпеу, эскизді бекітпеу, сондай-ақ бағаны белгілейтін құжаттамалық негіздемесіз ұсыну (сметалық құжаттаманың болмауы) бұзушылықтар болған.
Қадағалау актісі бойынша конкурстың күші жойылды, бюджет қаражаты басқа да әлеуметтік маңызы бар жобаларды іске асыруға бағытталды, сол арқылы бюджет қаражатының негізсіз жұмсалуына жол берілмеді.
